失波係你進步既老師
打得龍門既朋友當然唔想失波，但唔失波係絕對冇可能，就算近期狀態大勇既迪基亞岩岩對維拉都要失波。大家除左去平時訓練之外，有冇係比賽失波之後都幫自己Review下點失呢？可能大家會咁諗，失波咪失波，冇咩好Review? 總之場波到最後贏左咪得囉。但大家有冇諗過每球失波其實係有一定價值，價值就係你進步既來源。
自我岩岩學打龍門，我師父曾經講過一番話令我到而家都好深刻。就係諗一諗點解會失呢球波？大家都可以聽過以下既說話。就係「失呢球波都唔關龍門事，係對手射得太靚點點點之嘛。」首先係我角度之中，無論個波點失，龍門都有責任。我唔會將個責任推係隊友身上。反而會諗點解會失波呢？原因好簡單，失波代表錯誤發生，冇失誤就唔會失波。再者，推係其它人身上除左好唔付責任，而且咁既心態絕對唔會令到自己有進步。
所以每次失波，我都問自己呢球波點失？大家睇緊呢條片係我早幾個星期同沙田元老隊友賽，對方陣中有多名現役甲組球員及教練。而我呢邊就完全差得遠。初時失呢球波都唔覺得自己有咩問題，但到我朋友send完比我睇就搵到問題所在。以呢條片為例，就同大家Review 下點失波。呢個方法可應用平時自己踢完比賽幫自己搵問題，令到大家係之後既實戰點改善自己。簡單啲黎講係案件重組。
案件重組係我以前學打龍門一定要學，因為將你既失波變成一個case study，幫自己分析場比賽點樣可以做得再好。我自己既分析會有幾個步驟。
1.) 重組比賽情況
將失波既過程由頭到尾咁係腦內play 一次，要諗返起當時既情況，包括啲人既走位及傳球路線，每個有份參與進攻既人用咩腳觸球 (傳球及射球)。另外要諗返起你既防守球員當時做緊乜。呢啲情況要一五一十要show晒出黎，包括所有細節位。
2.) 分析問題
呢個真係幾考你學過既戰術，甚至係你閱讀球賽既能力。最主要係搵問題既重點，例如邊個傳波助攻，因為打龍門唔可以將問題放到對手射波固刻咁短視，因為係射波之前會發生左啲情況先令到對方有機會射波。例如對方球作出一個致命傳送。作為一個好既守門員，除左要用你既技技化解對方既攻門。另外亦協調你既球員防守，簡單黎講係提場。亦令到對方既威脅進一步減低。
3.) 解決方案
搵到問題自然要搵解決辦法，所以要係你平時學到既野或者根據你既經驗搵出解決方案。方案最好係多於一個，因為打龍門要有多手準備。將你應對方案係腦內實行一次，搵一搵當中有冇問題。如果有問題，可以再自行調整。直至搵到一個比較優勝既應對方案。
4.) 重覆演練
將你搵到既方案不停重覆係腦內演練，到你係比賽既時候見到相近既情況就可以第一時間作出反應。
有時除左靠自己既記憶重組，拍片係一個好好既方法，因為我地係比賽入面，發生好多情況係有機會忽略，正所謂「旁觀者清」，用第三者既角度去睇都係一個非常好既做法。所以有啲聯賽會拍低大家既比賽片段比各位Review，透過睇返自己既比賽片段，會睇到好多比賽資訊，只要用啲時間睇完再分析。就會令到自己不知不覺進步。
每個失球，都係反映住有問題出現，透過Review 會一個失球，都會有所得著。切勿將失球成為必然。然而，其實失球就係你既老師。
有關龍門訓練請whatsapp 51288455與我聯絡。
Search